中秋節在樹林勞動了一日，一陣再講，賞月先！
黃昏的回家路上，太陽剛下山，竟然在路中心看到初昇的月亮，立即拍下來！
今日雖然都算多雲，但這刻沒有遮掩初昇月亮，一路上都爭取時間影住佢，回到市區月亮已被雲掩蓋了，要到再夜些才再看到月亮。
說回樹林，今日星期六，〝Nephew〞帶了小兒子來。小孩子不穿鞋子走來走去，不怕沙石或野草的刺會傷腳，真是佩服！
小孩子只有7歲，看到推土機，他自己就爬了上去，東摸西碰，又扮開車。
今日除了種菜，就是要步行探路，視察其他地段的積水情況。
沿途看到一些植物開花。
我們好像在溪或河水中行，其實這原本是一條由推土機開出來的路，因為路比兩邊為低，所以都積水了。
走這些路都幾辛苦，穿著膠長水靴，初時只在水邊行，想盡量避免弄濕褲子，發覺水邊的泥非常的軟，會陷入泥中，我又要顧相機又要顧平衡，都幾狼狽！
行到這裡，水靴終於入水了！結果不再顧慮身勢，既然已經入了水，就放心在水中央行好了！原來中央因為鬆泥都被沖走了，所以中央的路反而更硬，行在中央比行在兩邊的軟泥更好行，只是有些地方竟然水深及膝。
終於平安返回乾地，褲子已濕到膝頭以上了！大汗疊細汗，衫也是濕的！標說我們只行了30多分鐘，短短的路程，可是就比在平地上行辛苦得多了！
下午載工人到附近村落的雜貨店買糧，在雜貨店見到這些黃綠色、圓碌碌又大個的，原來都是〝牛油果〞來的！
* P.S.
中秋當日的〝家好月圓〞最後一集大結局，只看了後半個鐘，錯過了前面的部份！
好在，星期日電視台在晚上再重播一次，可以重看！
好美的月亮哦!
ReplyDelete我有時很奇怪,那些人不穿鞋子,在樹林里走,不怕腳痛嗎?
[版主回覆10/07/2009 09:41:00]我見到都替佢感到痛 ！佢有鞋架，不過佢唔著，除左對鞋就四維走！
回應不到!
ReplyDelete[版主回覆10/07/2009 09:42:00]又係yahoo攪鬼囉！
小孩真厲害, 居然可以赤腳係樹林走動, 佩服佩服 !
ReplyDelete[版主回覆10/07/2009 09:44:00]我見到都替佢感到痛 ！佢有鞋架，不過佢唔著，除左對鞋就四維走！
可真是千里共嬋娟 !
ReplyDelete[版主回覆10/07/2009 09:45:00]多謝山山 !!!
好忙碌.沒有好好看月亮
ReplyDelete[版主回覆10/07/2009 09:46:00]看著外孫女就夠了！
d雲好得意呀
ReplyDelete最左手邊嗰嚿好似一匹馬
[版主回覆10/07/2009 09:51:00]月亮旁邊個舊就似老鼠想偷食月餅啊！
每年夏天，我都有行河流去釣魚，有時濕到上腰，水鞋入左水好難行，所以改穿滑浪風帆鞋方便好多！拿枝木棍行會好好多架！
ReplyDelete[版主回覆10/07/2009 09:54:00]著其他鞋又怕水中或草叢有蛇啊！水鞋入了水，雙腳拖住幾磅重行，所以行得好辛苦，短短一段路行完雙腳都倦了！無錯，有枝棍行會平衡得好d！
Mei：中秋你一定很挂念香港吧，能看到家好月圓，很好啊，。你貼的很多花和水果我都是第一次見到，多謝你的分享。
ReplyDelete[版主回覆10/07/2009 09:56:00]香港的中秋好多地方都有節慶項目慶祝，又有咁多應節美食，你們一家人一定有個愉快中秋節了！
原來你地都有TVB衛星, 我地都有睇大結局呀!
ReplyDelete[版主回覆10/07/2009 10:02:00]係呀，我地睇的係無線〝美東台〞（美國岸東台），同〝美西台〞，所以應該同仔你一樣喎，不過我成日攪唔清楚d 時間，因為美國有些地方快1小時，有些地方快2小時，美西台又唔知係快定慢，所以睇慣左就知時間，如果節目調動隨時會攪唔清時間而會錯過左睇唔到！
妳過的極似是農村生活! 一般都市人很難想像..
ReplyDelete[版主回覆10/11/2009 06:45:00]由半個城市人（以前住新界都係半個鄉下妹了！）變番做鄉下婆了！
香港中秋月亮好靚呀。
ReplyDelete[版主回覆10/11/2009 06:46:00]中秋月，那處看都一樣的圓，一樣的亮！
甘靚的月亮~望住都讓人心曠神怡~好舒服~ 你比我好~ "家好月圓"我一集都沒睇過..........
ReplyDelete[版主回覆10/11/2009 06:47:00]咁又真係估你唔到喎！
好厚肉的腳底板
ReplyDelete[版主回覆10/11/2009 06:48:00]好厚肉的腳板都要有好厚的皮先至得！
你那邊是炎夏中的中秋月啊^^
ReplyDelete那邊的森林晚上黑黑的, 其實只有1兩個工人作看更, 他們也會有危險嗎 ?
[版主回覆10/11/2009 06:55:00]住在村落地方的人，一般燈火都不光猛，有些人甚至沒有接駁電力的，因為電費都要用錢！他們有些人會用石油汽，但仍有人燒柴火的，所以都習慣了活在黑暗中。在樹林內，天黑他們都只會躲在室內，不會四處走，亦會長期燒著柴火，所以應該沒問題！其實要害怕的都不是蛇蟲鼠蟻或猛獸，反而是其他的「人」更可怕！
小時候的我也是除左對鞋就四維走！ 約40多年前喎!!!!!!!!現在工2小時就辛苦死呵!!!!! mango 是個書生比我還辛苦的.每天都睇你寫的交章.好佩服你....
ReplyDelete[版主回覆10/11/2009 07:00:00]就算我們說小時候除鞋四維走，相信也只是在家附近，沒有太多沙石的地方罷，若你看到他行過的地方，都會服左佢地架！
佩服我，唔係嘛Anne!! 我正想告訴大家我要休息一排啊，好辛苦啊！
小朋友好捱得咁喎，不過大左會唔會都係好似daddy & uncle 咁，好食懶飛架？
ReplyDelete[版主回覆10/17/2009 23:51:00]希望唔會啦！
牛油果？好大個啊！都唔似我在百佳買果d ！
ReplyDelete[版主回覆10/17/2009 23:53:00]係唔同似樣，不過真係牛油果黎！
真係好似去探險咁，好刺激呀！
ReplyDelete[版主回覆10/18/2009 12:20:00]都幾刺激架，真係！
牛油果好似番石榴
ReplyDelete[版主回覆10/18/2009 12:21:00]大隻到拿在手上可以遮晒成隻手掌!!