伯利茲首都貝爾莫潘(Belmopan)地標之一。附近圍繞著她的建築物全是政府辦公大樓,入境署、郵政署、衛生署、地政署、工程署……各有各自己的大樓,不像香港,一個政府合署集中各部門,由一個部門去另一個部門,只需搭升降機上落,幾分鐘就到。
獨木舟出售,16呎長3座位,BZD$1795,約HK$6700,未計10%GST稅。
一架停在機場內達十多年的蘇聯(俄羅斯)出品飛機,出售都無人要!因為飛機當年是走私毒品被緝獲充公的,機上只有俄文,如果買了她,零件有問題都唔知去邊搵來換,所以無人肯買,一直放在那裡!
一只花臉貓。
又一隻花臉貓,只是普通的家貓,一身花斑斑,如果在野外見到可能當牠是豹。
總共兩隻花臉貓。
這種情況多數在足球場發現。真不明白為何人們會如此無聊,這裡數數也有十多雙鞋子吧!我猜測,會不會是鬥波打賭,輸波一隊的鞋子要掛靴……
原來看到彩虹的時間,總是在滿天烏雲之下!
一個好有中國味的托盤,想必一定是中國製造,反轉一看,想不到竟是瓜地馬拉製造!
這種雞見過幾次,都是像牠那樣,以為牠是禿頭雞,但佢又禿唔晒,頭頂仲有一執羽毛!該叫禿頸雞罷!
這是番鴨。
雞犬原來是朋友。
不止是朋友,原來還有番鴨,是同屋住,住在同一〝屋簷〞下!
星期六才開檔的BBQ 即燒外賣檔。
自己畫的廣告招牌,不懂英文也會看圖,知道是理髮店吧!
買褲的攤檔,褲子有可能是二手的,小心選購!
隨街叫賣,賣零食或冰飲的小販單車。
這種草屋頂見得多了,內裡看是這裡的:
用長長的棕櫚葉鋪成,再用藤綁緊,那些棕櫚葉葉柄很堅硬,鋪上幾層,既防水又清涼!不要刮颶風就安樂了!
這是在南部的一間本地人的餐廳建築物,簡簡單單,食物也一樣 ~ 簡簡單單。
又有彩虹,真係開心啊~ 我鍾意呢張啊~
ReplyDelete[版主回覆11/27/2008 11:23:00]Thank you!!!
又有鞋挂上去?是不是你們國家的風俗習慣呢?
ReplyDelete[版主回覆11/27/2008 11:26:00]〝風俗習慣〞?真係唔知喎! 但多數見親都係在足球場的地方,有時一兩對,暫時看到的,這裡掛的算是最多了。
D雞鴨好醜樣呀! 唔知有冇人食。
ReplyDelete[版主回覆11/27/2008 11:27:00]有架,番鴨中國大陸都有呀!我以前都養過,食過吖!
真係好地道,好特色,好一幅belize風情畫!
ReplyDelete[版主回覆11/27/2008 11:28:00]thank you!!!
D雞係咪本土嘅雞呀, 好醜樣但又好得意喎.
ReplyDelete[版主回覆11/27/2008 11:31:00]我估係啩!第一次見到一隻 雞條頸無毛,以為佢比人蝦,甩晒d 毛,後來見過好多次一樣的雞,我估佢地係天生咁樣的!
D小動物好得意,我都有養過!
ReplyDelete[版主回覆11/26/2008 12:06:00]THANK YOU!!
另外,
黑色那煲 是黑湯 Black Soup http://hk.myblog.yahoo.com/mylife-inbelize/article?mid=512 ,是加勒比海的食物。
ReplyDelete真是掛靴, (可能 d 球員收山就把自己的鞋掛上去)
[版主回覆11/27/2008 11:34:00]因為見佢係成抽掛上去,所以我估是輸了波成隊受懲罰,要被逼掛靴!
來兩次都看不到相 !
ReplyDelete[版主回覆11/27/2008 11:41:00]係呀,〝吔嗚〞有故障啊,我自己都睇唔到自己upload 的相,仲以為比人剷左添! 等我都浪費了很多時間去相簿搵見唔見d 相,終於太夜放棄了 ,第二日才知係佢有事唔係我有事!
Mei , 一切安好嗎 ? 預祝你有一個快樂的聖誕節 !
ReplyDelete[版主回覆11/27/2008 11:46:00]多謝老朋友,這個早來的祝福,由收到那一刻就開始感受到快樂! 也祝你有個愉快的聖誕節!
(好羨慕在香港可以看到各大商場的聖誕裝飾佈置、同燈飾啊!)
那盤子竟然不是中國制造,真是難得!
ReplyDelete[版主回覆11/28/2008 11:36:00]那是幾星期前的生日party,一個朋友焗了個蛋糕用這個盆盛著來的,遲些見到她或去探她就會還給她。我第一眼見到個圖案就心中認定〝咁有中國味,一定Made in China〞啦,點知反轉個盆一看,竟然是〝Made in Guatemala〞!
看來你所在的國家對中國的文化很喜愛哦!真讓中國人慚愧了,自己國家的人都沒有外國人更喜愛!
ReplyDelete[版主回覆12/02/2008 12:49:00]可能這裡也很多中國人居住吧!所以本地人都熟識中國的東西。其實在中南美洲國家都有很多中國人架!
你地平時食果D雞, 係唔係秃頸雞呀?
ReplyDelete[版主回覆12/02/2008 12:53:00]唔係呀,係在德國村入面d 大農場養的,通常這些走地自由雞都是羽毛花斑斑的,d 人將雞鴨都好似貓貓狗狗咁養,唔知佢地會唔會食呢?而農場養的多是白色羽毛那種。