這種白色的小蜘蛛http://hk.myblog.yahoo.com/mylife-inbelize/article?mid=3529，之前已經介紹過， 當時只有一隻白色的。
今次再見，仍然是在後院果樹上。當影完這白色後，順便看看還有沒有其他，果然有所發現。
就是下面這隻黃色的蜘蛛！就像花朵一樣，同一品種有幾種不同顏色！十分奇妙！
要舉高雙手來拍照，風又不停地吹，要等風勢稍為緩慢下來便立即按快門，真是手也軟了！
覺得差不多了，於是垂下雙手，打算離開，轉個小彎後，又再抬頭，竟發現了還有另一隻 ~ 橙紅色的！
太神奇，又有趣了，於是又再高舉雙手來替牠拍照！
真沒想過會同時見到同一品種但三種不同顏色的小蜘蛛！太奇妙了！
真是要感謝上天的眷顧！
認真的，不是說笑！
好cute好特別!! 不過真的不似蜘蛛喎!!
ReplyDelete[版主回覆12/08/2008 09:45:00]我第一次見到只有白色那隻，都以為係d 唔知咩痴在個蜘蛛網度，直到佢郁，我至知係蜘蛛咋！
真是一方山水一方天地，你這裏除了有各色小鳥，連蜘蛛也是色彩斑斕的，又開眼界了 ~~
ReplyDelete[版主回覆12/08/2008 09:57:00]真係，世界之大無奇不有！
有些可怕 !
ReplyDelete[版主回覆12/08/2008 09:59:00]似外星人？飛碟？雖然細細隻，又知道佢係蜘蛛，但未見過，都有d 驚！
見到佢地，諗起2寶果汁糖！哈哈哈
ReplyDelete你影得好靚呀
[版主回覆12/08/2008 10:02:00]thank you!!! 〝2寶果汁糖〞……橙味、檸檬味！
其實橫睇直睇 *牠* 都不似一隻蜘蛛, 又沒有長長嘅抓, 太美麗了.
ReplyDelete[版主回覆12/08/2008 10:05:00]佢d 腳在個〝殼〞下面，不過唔係好長，我試過想影個d 腳，不過原來佢個肚同d 腳好肉酸，所以唔要。
哇,第一次見到,原來蜘蛛都可以咁靚!好可愛哦!
ReplyDelete[版主回覆12/08/2008 10:08:00]睇就真係好靚，其實我影佢時一路影一路驚，睇戲太多，驚佢會忽然跳出來， 或者唔知背後會唔會有另一隻，在上面吊緊落來………
咁靚可能好毒！
ReplyDelete[版主回覆12/08/2008 10:09:00]睇就真係好靚，我都信佢會有毒！其實我影佢時一路影一路驚，睇戲太多，驚佢會忽然跳出來， 或者唔知自己背後會唔會有另一隻，在上面吊緊落來………
吾係睇開你個BLOG 仲以為D 相係「假」！！
ReplyDelete小灰灰就覚得好似隻UFO 吾覚意飛0左入蜘蛛網度
[版主回覆12/08/2008 10:11:00]我都有同感呀！佢個殼真係好似飛碟呀，又似外星人個樣喎！
大開眼界！
ReplyDelete[版主回覆12/08/2008 10:11:00]thank you!!!
乜原來咁多顏色,好靚!
ReplyDelete[版主回覆12/08/2008 10:13:00]係呀，奇妙嗎？真係純天然架，無人為加色架！
香港郊外的蜘蛛好似比妳果邊大隻，是嗎？
ReplyDelete[版主回覆12/08/2008 10:15:00]聽講深林入面有大蜘蛛，以前都影到隻大黑蜘蛛，暫時都未見過深林入面的大蜘蛛啊！
咁又係哦,周圍一定好多同伴!
ReplyDelete我成日都覺得佢似ET蜘蛛多D!
[版主回覆12/08/2008 10:44:00]我第一次見到時只有一隻白色咋，當時都有一路影一路四維望，唔知身邊有無，但都係得一隻。呢次就又係邊影邊兩頭望，就發現了黃色那隻！我都覺得佢個〝殼〞似外星人樣呀！
隻黃色蜘蛛她似塊龜板咁既.
ReplyDelete[版主回覆12/11/2008 09:56:00]初初見到佢塊龜板成個哈哈笑樣，又似外星人喎，真以為是張貼紙被風吹左上蜘蛛網添呀！
嘩~有貢多顏色的蜘蛛呀~大飽眼福~~
ReplyDelete[版主回覆12/11/2008 09:59:00]你講得無錯，真係~大飽眼福~ ！未見過同一種蜘蛛會有三種唔同色，唔知仲有無其他顏色，有就一定話你知！
蜘蛛是否在搬食物呀!
ReplyDelete[版主回覆12/22/2008 00:58:00]你指佢將食物放在背上搬運嗎？我初初見到都以為係，後來才知黃白紅的不是食物，是牠的殼!