看草蜢之前，先講番那些白蟻（http://hk.myblog.yahoo.com/mylife-inbelize/article?mid=11972&prev=12018&next=11841）。
8月8日星期六，終於去清理白蟻，工人用藥水噴向蟻巢，白蟻即死，沒有爬到四散弄得週圍都係。由於藥水很強烈又臭，白蟻屍骸都很令人不安，沒甚麼好看，所以只匆匆影幾張相，我就衝出屋外呼吸新鮮空氣了。
一點點啡褐色的就是蟻屍了！
清理完之後，再到樹林找工人，每次去到這位置就得停車，他們步行入內！
這段路前面還有好幾處比這更爛更泥濘的地方，所以不要笑我不肯行入去啊！其實如果路是乾及硬的，我不介意步行的，因為想要拍到好照片的話，還是要腳踏實地，靠自己去行去找的！
好像這些蚱蜢，若果沒事情發生，牠們在樹葉上不動聲色，你根本不知道牠們存在！就是要在你行過的時候，牠們逃避飛走（是飛不是跳躍），你才會看到牠們存在，及看到牠們的翅膀是紅色的。
還以為年幼時牠們才會聚在一起，原來長大了一樣會聚集一起，要交朋結友。
看牠們聚在一起吃喝玩樂，一下子，整棵樹的葉子都可以被吃個清光！一棵吃完又再到另一棵開餐去！
下面的就是牠們愛吃的其中一種小樹，亦即是上圖光禿禿這棵。（多謝人馬媽媽賜教，原來這叫假煙葉樹）
好在樹林還有很多這些小樹，總會有些沒有被選中的小樹，可以成功開花結果的。
其他蚱蜢，請到下列網址觀看：
樹林 ~ 昆蟲 ~ 蚱蜢 1 - 獨行俠（2009-06-22）http://hk.myblog.yahoo.com/mylife-inbelize/article?mid=11327
樹林~ 昆蟲 ~ 蚱蜢 2 - 脫殼、群集（2009-06-23）http://hk.myblog.yahoo.com/mylife-inbelize/article?mid=11355
還是草蜢好看~~
ReplyDelete[版主回覆08/15/2009 09:39:00]多謝欣賞！
自3歲起, 我就常看祖父處理蚱蜢餵鳥, 我就撿起蚱蜢的彩翅膀欣賞, 也會不去小公園捉蚱蜢...
ReplyDelete不過 伯利茲的蚱蜢好看多了~
伯利茲或是中南美其他地方, 似乎都沒有那個國家有好的政治管理, 窮的依然更窮...為何呢 ?
[版主回覆08/15/2009 09:46:00]無錯呀，這裡雖然比香港大，人口卻少得可憐！得卅十多萬！人已經少，還要分門分派，一家人兄弟姊妹會支持不同黨派，互相敵對！總以為自己比別人優越！好似豪門恩怨咁，自己人打自己人！怪只怪他們見得〝人〞太少了！
也會下去小公園捉蚱蜢...
ReplyDelete[版主回覆08/15/2009 09:48:00]我小時候都有去捉草蜢，自己沒有養雀仔，卻去捉來幫人餵雀！
嘩原來蚱蜢都有這麼多不同的品種.
ReplyDelete[版主回覆08/15/2009 09:49:00]我都係來到這裡才知有〝斑馬〞紋的蚱蜢！
那些白蟻好恐怖哦!想到了都起雞皮疙瘩!
ReplyDelete[版主回覆08/15/2009 09:50:00]所以今次都是離遠影下就算！
其實...間屋仲要吾要得?
ReplyDelete[版主回覆08/15/2009 09:55:00]好在間屋是租的，如果屋主自己都唔緊，我地都緊唔來！唯有見到就殺，下次再有至算！
d白蟻真係利害
ReplyDeleted早蜢好靚仔呀
[版主回覆08/15/2009 10:36:00]THANK YOU DADA!!
我都影到呀! 它叫假煙葉樹!
ReplyDelete[版主回覆08/15/2009 10:38:00]原來叫假煙葉樹，又識多一樣野！d 蜢咁鐘意食，唔知會唔會好似食煙咁會上癮0既呢？
photo影得好靚....d白蟻妳養左幾耐.....咁多???
ReplyDelete[版主回覆08/15/2009 10:41:00]間屋係租0既，唔係時時去，由無發現到發現佢地，只係相隔 2 星期，佢地真係勤力過蜜蜂呀！
白蟻的巢是否只會外露，不會在屋內隱祕的地方呀？！
ReplyDelete[版主回覆08/15/2009 10:52:00]其實我同你想法一樣！因為有一條蟻路延伸至天花上，所以都不知蟻其實是由上面走下來，還是由下面發展上去，不過間屋係租的，屋主都唔緊，我地只可以清理見到的部份！如果係自己的屋，我一定要佢地拆個天花落來清埋裡面0架！
原來蚱蜢有咁多種0架？斑馬咁都有，好精彩啊！
ReplyDelete[版主回覆08/19/2009 05:58:00]斑馬咁既蚱蜢蜢我都係第一次見！
有無徹底清除d 白蟻呀，如果唔係，不久又再來就煩了！
ReplyDelete[版主回覆08/19/2009 05:59:00]好在不是我間屋，只是租屋，所以亦只係見幾多清（殺）幾多！我估個天花上面仲有架！如果係自己間屋，可能會拆個天花落來清埋入面！
這裡有咁多野在香港都見唔到0既！睇番前2 篇蚱蜢，真係大開眼界啊！
ReplyDelete[版主回覆08/19/2009 06:00:00]唔怕昆蟲動物的話，這裡還有很多，可以慢慢欣賞！
d 昆陽雖然體型小小, 但係佢地 d 群體力量 (百分比) 比人類大好多 !! 真係不可少看 !!
ReplyDelete[版主回覆08/21/2009 09:39:00]我估大禿然群體生活的動物與動物之間，唔會好似人咁有勾心鬥角，偷懶，貪心，妒忌，斯詐，背叛…無間道…… ，佢地真係好團結，所以佢地的群體發展、壯大得好快！無錯，真係唔可以睇少佢！
有白蟻好麻煩，清理左就好了！
ReplyDelete[版主回覆08/27/2009 23:45:00]這地方又濕又熱，木材容易發霉，白蟲容易滋生，一有就好煩，暫時叫清除左，不過都唔知天花板上面有無，希望真係清除晒啦！