估唔到，BELIZE 原來係可以咁凍！
（圖中藍色的是雨，落完雨之後就會更凍！）
冷峰南下，連著名陽光海灘的邁阿密都凍到震！1月10日，沙朗要到安提瓜公幹，必須經邁阿密轉機，初時還不肯聽標說帶件厚的褸去，好在後來都帶了，結果在邁阿密時都說幾乎凍僵了！到了安提瓜就熱死了！
在邁阿密，海龜凍到唔識游水，而樹上的綠鬣蜥就凍到硬晒，由樹上跌落地！哈哈！在電視見到人執起一條條硬了的鬣蜥放入紙皮箱時，還以為是塑膠玩具啊！我在這裡就見不到牠們！如果比我見到，我都會執幾條回家養！
1 月9 日，香港最低攝氏8 ~ 10度，這裡也低至攝氏13度，山區更只有攝氏10度!!!!!於是。沙朗在衣櫃內找來一張幾年沒有再用的棉被，叫我們拿給樹林內的小家庭使用！
我得2件長袖衫咋！好在還有2件褸啫！熱水爐竟在這個時候有問題，電子點火的電池出事，時得時唔得！好在換了電池後無事，否則，沒有熱水真不知怎樣了！
1月10日，雨過之後好天了，就出現這些雲，氣溫亦再降2 ~ 3 度。
1月12日，氣溫稍為回升到2 ~ 3 度，但又再下雨了。
去到樹林，感到更凍！這些已是我僅有的〝厚〞衫了！再凍？好在我還有件皮褸！（皮褸是留待天冷時返香港要經加拿大轉機時著的，返到香港就會有厚衫，不用帶啦！）
又冷又雨，樹林內陰陰濕濕，好凍啊！
見到一隻雀仔，站在那裡動也不動，鬆起全身的羽毛，像是凍到唔想飛！因為我走得太近牠才飛走，飛也只是飛離七八呎左右就停下！
這個冬天真係都幾冷！
我還以為你那裡一年到頭都是熱天氣呢,想不到也有冷的時候。
ReplyDelete[版主回覆01/14/2010 10:14:00]我都以為係架！成日以為凍極都有17 ~ 18度架！所以反香港時放低晒d 厚及長袖衫，只留2件以防去加拿大轉機時用咋！
中美洲得 10c，真是好凍！
ReplyDelete[版主回覆01/14/2010 10:15:00]係囉！今年真係好凍！
天氣真係反常了.
ReplyDelete應暖既地方就凍.
呢邊既冬季. 應係零下10 度下. 但呢幾日暖到有 4-5度. 雪都溶了很多.
突如其來的冷鋒有時都好浪漫啊!! 有一年(好似係98)聖誕，東南亞又係突然間好冷，那次我剛去清「咪」(執筆忘字) ，香港12度，不知道泰北那邊亦好凍，晚上只有十度，想不到上機的衣服不用除，而行理的夏天衣服用不著，就是那一星期泰北有百多人冷si，有一位同事又剛剛去泰南布吉，天氣只有15-16度，不可以游泳，如果大海潚那一年都係咁凍就不用si咁多人了~~~
ReplyDelete[版主回覆01/14/2010 10:28:00]浪漫？ 或者天氣冷時，令人與人之間可以靠得更近，不會像天熱時，太近就會好熱出汗了，所以都可以咁講0既！
忘記問，海地大地震，近不近你??
ReplyDelete[版主回覆01/14/2010 10:25:00]海地在東面，我地在西面，隔好遠！不過睇電視，D石屎屋塌下來好恐怖！令我有恐懼感，因為BELIZE人起屋都係咁化學，而家又多了人用石屎磚起屋，但無地基的，只在平地踏實踏平了就起屋，所以，若有地震都幾得人驚，塌下來，可屎可怕過木塊！
海地7級地震, 希望你那裡一切安好, 聽說太平洋那邊還發了海嘯預警, 幸好你那裡是加立比海,
ReplyDelete[版主回覆01/16/2010 10:27:00]多謝關心！
海地在加勒比海東面，我地在西面，隔好遠！不過睇電視，D石屎屋塌下來好恐怖！令我有恐懼感！因為BELIZE人起屋都係咁化學，而家又多了人用石屎磚起屋，仲越起越高又大間，但無地基的，只在平地踏實踏平了就起屋，所以，若有地震都幾得人驚，塌下來，石屎可怕過木塊！
如果你對種合掌瓜有興趣, 你可以search chayote planting 或 growing, 個市場空間應該很大, 有很多食的.
ReplyDelete見到 http://www.practicallyedible.com/edible.nsf/pages/chayote
http://www.harvestwizard.com/2009/03/how_to_grow_chayote.html
[版主回覆01/16/2010 10:29:00]多謝多謝！
合掌瓜在這裡都很多人會食，多數用來煲湯，我就喜歡買嫩的來炒，很清甜的！
當人說著全球暖化.冰村的雪溶化.人要環保要拯救地球.今年竟然全世界都凍起來.不知道如何了解釋..我的常識比較膚淺,英國真係好涷..不過最近都涷慣了.常常只得零下2-3度....... mei 真的要著多件衣衫. take care!!!!!!
ReplyDelete[版主回覆01/16/2010 10:38:00]其實早年已有人說全球暖化是騙局，但被一些環保份子罵到九彩，如今凍成咁，我都覺得地球暖化是騙局多d ！人為污染一定有，但天氣始終是不能預測的，最多只能觀察3天的情況，下星期的天氣也不能預測！
總之，我地自己保重，信自己的感覺，見凍就多著件衫，圍條頸巾，有暖爐就開著暖爐，唔好理人話乜囉！零下2 ~ 3 度……你都要保重，著多件衫啊！
天氣反常....正正就係人類造成嘅破壞
ReplyDeleteMei要保重身體啊!!
[版主回覆01/16/2010 10:44:00]多謝小雲！總之，大家都要保重啊！
天氣真的反常！大家都要提高警覺呀！
ReplyDelete[版主回覆01/16/2010 10:45:00]無錯啊！總之，大家都要保重啊！
睇黎真係幾凍，隻雀仔凍到縮起但又要鬆起全身的羽毛，好慘啊！
ReplyDelete[版主回覆01/18/2010 23:20:00]這日是最凍的一日，市區日間有21度，樹林就17 ~18度，對於這些平時熱慣的小動物來說，都幾凍架！樹林入面夜晚更凍到得13 ~14度咋！
近年天氣都反常，地球邊有暖化即？當一方暖熱時另一方就好凍；一方多雨水浸時，另一方就天旱無水，只係資源分佈不均勻啫，無少到架！地球係圓0既，邊有得估0即！總之，你凍就著多件衫啦！無長袖衫就在裡面著多件短袖t-shirt打底啦！take care la!!!!
ReplyDelete[版主回覆01/18/2010 23:23:00]係囉！早幾年都好似你講咁，一方旱災另一方就水浸，都唔係成個地球水浸或全球乾晒喎！地球係圓的，邊有得估吖！
山林地方通常都凍d，著多件衫有著數！
ReplyDelete[版主回覆01/18/2010 23:23:00]知道了，thank you!!!
成年都著住短袖衫，忽然由廿幾卅度跌到得十零度，真係會覺得凍好多！ｔａｋｅ ｃａｒｅ！！
ReplyDelete[版主回覆01/18/2010 23:31:00]凍了一星期，現在又回復炎熱了，又再穿起短袖衫，在樹內走動多也會流汗了。