這十多天來，天氣都不穩定，多數晚間下雨，日間不下雨時也有較多的雲，因此氣溫不知是因為已踏入十月所以清涼了，還是下太多雨而清涼了。
大家都覺得我在這裡生活無憂、寫意、令人羨慕！但家家有本難念的經，在外國都是一樣的啊！
最近沒有甚麼事好做，都因為一個無能政府 + 一個金融危機，令原本已淡靜的工商業更加淡靜！沒有工程做，沒有東西可生產，沒有收入，於是只有等坐吃山崩！我又怎會無憂呢！我所憂慮的只是沒說出來罷！可以影那麼多藍天白雲，大概正因為我現在的生活要望天打掛啦！講真，太清閒並不是太好的事，總之有苦自己知啦！
雖然說清閒，只是無煩重的工作，卻有很多鎖事煩擾，要東西頻撲，所以網誌也沒太多時間寫了。
好似標遞交了〝銷售稅GST〞的退稅申報表，原本可以退還差不多三萬元的稅款（大約十一萬港幣），在無收入的日子，這幾萬元對我們來說很重要！點知紅黨的政府人員千方百計係要給我們麻煩，扣起了退稅款，然後硬說是標欠交過去幾年的〝所得稅Income Tax〞，於是沒得發還！
明知紅黨在玩權，唯有跟她玩下去，將事件又交比Uncle 律師處理，橫掂我們都無事做，就日日去所得稅辦公室煩佢地！翻查公司過去的紀錄，四出探訪專業的、熟悉有關稅務的朋友，查問相同行業其他人的稅收情況，發現一來照稅局條數計，稅款只有二萬一千左右，無二萬九千幾咁多！二來，有其他人做同樣行業事務的，但並不需要繳交利得稅！而其中一個更是個美國白人大有錢佬！如果佢可以唔駛交，無理由我地要交！
於是憑這兩項理據，終於已先發還了七千多元扣多了的錢，餘下二萬一千幾，政府仍在日推一日，睇佢仲要推幾耐，一係你唔收其他人就唔可以收我地，唔係嘅，你收得我地就唔該你去收埋其他人啦，如果唔係就告政府優待白人，歧視本地人！
廢話講完，今回再講雀鳥。
留在家時間多了，近日小啡鳥又正在孵蛋了！牠們在9月19日離巢後，我清理好舊巢後，9月27日小鳥又開始造新巢。
10月2日就生了第一隻蛋，翌日第二隻，現在雌鳥又日日在巢中孵蛋了。
原來不止蝴蝶和蜂鳥會吸花蜜，有些其他鳥一樣來吸食大紅花的花蜜。
下面兩種黃色的鳥都是。
下面這種小鳥通常都在水邊覓食，罕有地在人家屋前草地見到牠！
至於果樹，除了老鼠仔會偷食外，另一種鳥也來啄食。這鳥的頭頂紅色，像戴了一頂帽子！胸部微紅色，翅膀有斑點，顏色真係好特別！初時還以為牠是啄木鳥，因為見過一次啄木鳥的頭也是紅色的。
你廢話都咁多呀~~ 唉~~現在個個人都有你呢D廢話,這場金融風暴還不知要拖多久........大家信心盡失........唯有寄望BLOG中~~ 來你這里最好,簡直是世外桃源 ,鳥語花香,讓人暫時忘記煩惱~~所以你千萬不能停偷懶~ 拜託拜託~
ReplyDelete[版主回覆10/09/2008 02:46:00]標無買股票呢樣野，但就日日開住電視睇CNN，睇佢地點選總統，睇佢地點樣出招救市，因為市場波動令好多工業原料上漲，好多零件等因為貴，這裡的商家也不敢入貨，於是他的機械也要停修，反正暫時都無工程做。佢好幾個月前已經同朋友商家等話金融市場不健康，遲早出事，當時人人都當佢傻瓜，而家D人就日日打電話來問點解會咁。
真的、煩憂那一家没有、只是在BLOG 説出来也無用、、、
ReplyDelete不如借BLOG 転換0下心情更好
[版主回覆10/09/2008 02:49:00]無錯，說出來也沒有用，仲會影響自己甚至其他人的心情，不如不說。但也得告訴一下大家這裡的實際情況，等大家唔好成日以為香港唔好，外國好，其實到處都是一樣的，各有各的好和不好啦！
前兩天香港都落了一場雨。相片的果實吃唔吃得？
ReplyDelete[版主回覆10/09/2008 02:55:00]這裡差不多日日都有雨，但不是長命雨，日間會下一個或半個小時就停，夜晚又再落過。
D 果係食得架！酸酸甜甜不過硬些，可到這裡看看 http://hk.myblog.yahoo.com/jw!8OsG4_WfGRlvsljbaVvMk4DfMQ--/article?mid=3207
稅本來就係要交既, 人地唔交, 唔代表你要跟人地一樣逃稅嘛, 好彩交番就無事, 如果要罰錢甚至判監就慘啦~
ReplyDelete[版主回覆10/09/2008 01:15:00]我地唔係逃稅呀 ！只係有d行業有優惠，用來吸引外商來投資的，好似大型建設如鋪設公路、挖掘山石填海造地等，一般本地人沒有這技術及資金，所以要吸引外資來造。我地話要公平囉，對外國人你唔抽佢稅，我地相同行業，只是小本些，無理由大唔收要收細的嘛!!!好似銷售稅GST係可以比廠家商家申請退稅的，合法的。 .... 犯法的事我地係唔會做的 !!!!
你果邊都算係咁啦，冇寒冬！可以自已種菜、養雞！今個金融風暴唔知要幾耐先會停囉！
ReplyDelete[版主回覆10/09/2008 03:00:00]係呀，真係好在無寒冷或落雪的冬天!!! 真替落雪地方的人擔心！燃油又貴，糧食又貴，都唔知點捱呀！
標無買股票呢樣野，但就日日開住電視睇CNN，睇佢地點選總統，睇佢地點樣出招救市，因為市場波動令好多工業原料上漲，好多零件等因為貴，這裡的商家也不敢入貨，於是他的機械也要停修，反正暫時都無工程做。佢好幾個月前已經同朋友商家等話金融市場不健康，遲早出事，當時人人都當佢傻瓜，而家D人就日日打電話來問點解會咁。
你那邊是不是共產國家來的?
ReplyDelete如果金融風暴持續, 咁政府會不會給企業金錢上的緩助架~
[版主回覆10/09/2008 03:04:00]這裡不是共產國家，但很多東西都倚靠美國入口，美國有事，這裡也大受影響！
政府唔會幫企業的，過往政府為了吸引外資來投資，已經給了他們很多優惠，令他們賺大錢，而家政府反而只想在企業處睇下點可以分些利益！叫那些賺了錢的大企業倒轉來緩助政府就差唔多！
有想過回香港嗎？
ReplyDelete[版主回覆10/09/2008 03:06:00]回香港探親倒是時常有想的！
妳講得啱! "家家有本難念的經", 每個家庭都有自己要擔憂o既事情, 尤其遠離家鄉, 生活在其他國家的移民, 所要面對的問題更多
ReplyDelete[版主回覆10/09/2008 11:49:00]我們都是想大家開開心心地生活，所以網誌都盡可能不多提不好的事，免得影響別人的心情！除非真係有苦惱事解不開，需要別人的旁觀者清來給予指點，否則煩惱還是留給自己算了！總之，大家能夠偶爾互相問好，互相鼓勵，已經很窩心了！
(Empty)
ReplyDelete[版主回覆10/09/2008 11:50:00]wow.... 好漂亮啊！
現在全世界的經濟都不好,人人都有危機感!
ReplyDelete不過值得慶幸的是,你還有風景可以看!
[版主回覆10/09/2008 11:50:00]係呀！多謝！
好深奧! 台灣政府會益台灣公司, 你果邊竟然係相反既, 咁以你名義開公司咪著數D囉~
ReplyDelete[版主回覆10/09/2008 11:58:00]因為本地人能夠發達都因為黐住美國人，入口美國貨，只有高官、名人、有勢力人士才可以靠美國人搵著數！靠本地人？佢地乜都無，又無錢、又無技能、又無克苦耐勞的工作態度，所以，我優惠你的背後，就是暗中我也有著數囉！
您這裡的鳥很可愛,很像家雞,常常下蛋,見到都開心.
ReplyDelete[版主回覆10/13/2008 04:48:00]係啊，日日見到隻雀媽在孵蛋，感覺好特別！只要我唔大動作嚇親佢，而家行到好近佢佢都唔怕我，有時我仲在兩呎距離處同佢你眼望我眼，佢都唔會即刻棄蛋飛走。
政府...度度都一樣架喇... 唉... 祝大家好運了 @_@ 原來鳥兒都會吸花蜜... 現在才知道呢,哈哈!
ReplyDelete[版主回覆10/13/2008 04:51:00]這就是為何蜂鳥來採花蜜時總是很快便飛走，原來太多競爭對手啊！唔知係咪會吸花蜜的雀仔顏色都艷麗些呢！
(Empty)
ReplyDelete[版主回覆10/13/2008 04:52:00]THANK YOU!!!!
" 船到橋頭自然直 " ！細心大自然美態吧，暫把煩惱拋開！
ReplyDelete[版主回覆10/13/2008 04:55:00]thank you!!! 我地現在正積極尋找營生的方法，為未來作打算！
這次輪到我為你打打氣哦
ReplyDelete我相信你可以的!!
[版主回覆10/13/2008 04:56:00]哈哈!! 多謝呀！大家咁話啦！
呢次 "金融海嘯" 真係好大鑊 , 我估全球經濟係未來三幾年都會好差 ,
ReplyDelete還好自己一向不愛投機 , 所以今次並無損失 ,
加上經濟週期波動係自然定律 , 大家都係平常心面對吧 !!
[版主回覆10/13/2008 05:02:00]三幾年？你真樂觀！我都希望係啦！
我地都唔係投機炒作的人，但經濟唔好，很多原材料價格上漲，直接影響到不少的行業，所以市面很多發展中的工程也得停下來，更莫說會有新工程展開了！唯有捱住先！