在伯利茲，食真是選擇不多，亦沒有甚麼特色，但又未至於無啖好食。只要你肯花錢，出街食要鋸扖、龍蝦、pizza都食到。
最近成日睇blog友的網誌，看到大家在講吃的時候，真是又愛又恨！好大的誘惑呀！
其他人我就不清楚，但我家通常在日間的午餐會吃飯，到晚餐時就不喜歡再吃飯，想吃炒麵或三文治甚至其他。對於每日吃「飯」為主食的中國人來說，會認為那些三文治就只是零吃不算是正餐！
吃慣美食的你們，以下有三款餐食，你們看了後，可會仍然羨慕我在這裡的生活呢？
第一款，是午餐，我煮的，在材料短缺的情況下煮出來的。首先，再看看上面那個小南瓜，要是在香港，一早就掉了！可是在這裡，我學會了要「珍惜食物」，把壞的切去，還有四分三可吃的！（慘呢！
我未來之前，他們是食肉獸，一餐至少可以一人食一隻雞肶，但他們都知道這樣吃對健康不好，不過要他們自己煮就一定以簡便為主，解凍溶雪後洗完加調味料，放入焗爐便等吃，肉質又乾又無味！現在，我只用兩隻雞肶肉切細，加上椰菜花及小南瓜同煮，菜多過肉，夠四個人吃！
至於飯，他們不喜歡吃白飯，所以才會有紅豆飯（Rice & Bean），而他們教我在家煮飯就會加入椰漿粉來煮，飯好再加入罐頭青豆撈勻。吃飯時就像在茶餐廳吃碟頭飯，飯菜一碟上。
第二款，晚餐，Tortilla，這種是用麵粉做的，用來夾或卷著肉或其他餡料吃的。
而餡料可以好簡單，有時會煮些碎牛肉洋蔥煮成的肉，甚至當日午餐吃剩的菜肉都可以。
而這日吃的是將一些豬肉炒熟之後，開一罐焗紅腰豆，與豬肉一起煮熱便成。放在Tortilla上，卷起便吃。這樣煮罐頭紅腰豆在這裡是十分普遍的吃法。
第三款，三文治，這日我煮了薯仔，炒了些豬肉（有時雞肉），火腿，還有一個牛油果做三文治！
薯仔，半煎炸，總之煮熟就食啦！豬肉醃好用辣豆醬（台灣貨）炒熟。
以前在香港不喜歡吃牛油果的，覺得沒有甚麼味道，不知是不是由外國入口的關係，路途遙遠，牛油果生長得還不夠成熟就已經被摘下來等熟，所以總覺得淡而無味。現在買到的都是新鮮從樹上摘下來，買了回家放一兩天就可以吃了，可能是生長得夠成熟才摘，吃起來味道真的不錯，有時更覺得有淡淡的甜味，已漸漸喜歡吃了！而本地人有時更會用牛油果伴飯吃的。
大家想試試嗎？
我就非常懷念香港既美食.. 90年代初..悉尼好少中國野賣.. 好不習慣.. 要入鄉隨俗.. 不過整整下就慣囉..
ReplyDelete[版主回覆07/20/2008 03:28:00]講得無錯！去到那裡就要過那裡的生活，入鄉隨俗！悉尼現在應該多了很多中國人，好多中國野賣啦！
我是一個為食鬼 , 以上所講的全部都愛 不過南瓜我通常都是買胡廬型的 , 清炒已很甜
ReplyDelete[版主回覆07/20/2008 03:30:00]這裡的小南瓜都不是葫蘆形的，是飛碟形，不會長得很大個。
我好奇怪, 唔一定要食飯, 反而鐘意食面包喎~
ReplyDelete[版主回覆07/20/2008 11:59:00]我無乜所謂，食乜都得，在香港時也不是一定餐餐食米飯，一樣有時食下麵，食下三文治…，有時煲糖水，食飽了那餐便可以唔駛食飯既！
正所謂唔煮就冇得食，我相信好多移居外地的港女都好明白！ 現在的我學懂劏魚、簡單車衣和好多好多响香港我唔駛做既野，現在都要做！不過做做吓就慣，救生技能嘛！
ReplyDelete[版主回覆07/20/2008 12:05:00]講得無錯！劏魚，在香港時我已識，可惜在這裡不用我劏魚！食雪魚柳！簡單車衣都講中，因為這裡早已有一部幾好的座枱衣車，有時買不到fit我的尺碼，我會將一些過大過寬的改到自己合身才穿。
在食方面,我都覺得香港人真是很幸福,很多時都可以吃到新鮮食物和不同國家的食物.而且價錢都很合理.下次,妳返HK,可約埋家姐一齊出黎食餐勁.
ReplyDelete[版主回覆07/20/2008 12:07:00]好呀！ ...... 不過唔知要等幾耐！
現在我在美國，也像妳一樣，也要珍惜食物。亦是要小肉多菜呢~
ReplyDelete[版主回覆07/20/2008 12:11:00]係囉，在香港時日日有菜食，又平又多又靚，可以買一斤菜心摘淨半斤來吃，現在，如果買到菜心，真係幾乎只切去小小菜梗便成棵保留，吃得的都吃！一塊葉也不想掉！
原來妳係身處外地的blog友，點解妳在我那邊用私回嘅？
ReplyDelete[版主回覆07/20/2008 12:12:00]有d野，淨係想話比你知囉！
Tortilla 是不是你做的？
ReplyDelete[版主回覆07/20/2008 12:17:00]你指圓形那片？不是！買回來的。d 豆同肉就係。
ReplyDelete看了「美味」圖片，很想吃，但人總是慵懶慣了，不想自己動手去做呢！
[版主回覆07/20/2008 12:20:00]係呀，所以有時有得食我都唔會嫌三嫌四，唔駛做有得食，仲想點呀！
香港現在百物滕貴, 對於我呢D都算低下層嘅人來說, 都會好似你咁食得唔好浪費, 爛小小咪切咗佢就食得啦. 香港現在多了個口號:* 慳得一蚊得一蚊.*
ReplyDelete[版主回覆07/20/2008 12:24:00]世界艱難囉！真係唔係淨香港咁呀，這裡開門七件事，一樣全部加價，尤其是主食的米、麵粉、粟米、油等，我在這裡都要咁喇！* 慳得一蚊得一蚊.*
Mei 午安 , 食完午餐 , 又要預備去大掃除啦 !
ReplyDelete[版主回覆07/21/2008 10:23:00]大掃除？ 乜唔係年尾過年前先至……， 噢，比你知道我咁懶添！
香港是美食天堂,你一定很懷念啦~~
ReplyDelete[版主回覆07/23/2008 02:30:00]係呀！blog友又喜歡整幾味，成日上載美味菜式到blog上，睇到我流晒口水！
小南瓜？點解是深綠色？有一處重係爛，會唔會食到肚子痛
ReplyDelete[版主回覆07/24/2008 10:18:00]這些小南瓜唔會好大隻，本地人喜歡吃嫩綠的，用來焗或煲湯，所以成熟左係咩色我都未見過喎！搵食艱難呀，食得唔好浪費呀！樂觀d，仲有四分三可以食架！唔會肚仔痛喎！
香港真係美食天堂, 身處o係香港係最幸福o架! 雖然我係住o係加拿大o既大城市, 有足夠o既唐人食品, 但都仍然覺得香港係最好o既! 不過, 我移咗民之後都學識咗珍惜, 唔會浪費任何食物, 因為真係得來不易呀!
ReplyDelete[版主回覆07/26/2008 10:59:00]係呀，終於知道點叫做〝得來不易〞呀！所以真係食得就唔好隨便掉！
我是無飯不歡的. 連續一兩星期沒米到肚, 改吃三文治, 意粉, 麵條. 已覺痛苦. 還幸, 你們那邊也愛吃米飯. 只是餐餐紅豆飯配豬/牛/雞. 又真的較易生厭. 你已習慣那裡的飲食嗎?
ReplyDelete[版主回覆11/14/2009 13:17:00]雖然習慣，但吃得多都會厭，想轉口味，所以有時去樹林時在外面買飯盒，天氣熱已沒胃口，加上又是紅豆飯…，那一餐我就寧願食餅乾或麵包、零食，飲可樂就算。