剩下半個麵包果，我只將其中一半用作炆雞，另外的四分一遲些又再炸來吃。
雞，先煎一煎雞肉。這裡的人愛吃肉，而買到的都只是雪雞！要是由他們來煮就會煮雞胸，喜歡啖啖肉，但我就不喜歡雞胸肉「鞋」，所以用雞髀、雞鎚。
爆香蒜頭、洋蔥和青椒。加水或上湯煮滾。
先放入雞件炆10分鐘。
小南瓜也炒一炒，再放入煲內。
麵包果切件，放完南瓜最後才放麵包果，原本打算煎一煎麵包果先，但怕牠索了太多油後放入湯中會把油放出來，所以不煎了。蓋好再炆10分鐘，熄火焗一陣就食得。
麵包果本身無味道，只會吸收湯汁的味道，所以個雞汁好味，麵包果也會好味。可能我第一次煮，煮得久了一點，所有材料都軟綿綿了，但就真是很好味！
吃起來就像吃芋頭炆雞，如果你試過芋頭炆雞而芋頭沒有先用油炸一炸，煮出來就會同麵包果一樣，好軟棉棉，好滑。幾好味，好在我切的麵包果都不算太細件，否則會「溶」晒！與炸麵包果口感不同，另一種滋味！
上一篇麵包果一出，大家都疑問，在香港見到的是否這些，那就真是要看過果實才知，因為外形差不多。
而下面這個不是大樹菠蘿，而是上面「假麵包果」成熟後個樣。大樹菠蘿以前在新界也種有，果肉可以當生果吃，果核一樣可以用來炆雞食。
而這假麵包果，是以前在後院種的「假麵包樹」長出來的，果實只有一層薄薄的肉包住粒大核。粒核食唔食得就真係唔知，這裡沒有人會吃牠！
棵假麵包樹又高又大，但在這裡無食用價值，所以後來我搵人將棵假樹砍下來了！
又用南瓜又用麵包樹果實，炆起來會否好 " 傑 "？
ReplyDelete[版主回覆07/29/2008 10:54:00]呢度的人喜歡〝傑〞的！佢地有時唔食飯，淨食這種放了很多材料煲的〝湯〞的。有時佢地會用本地生蕉〝PLANTAIN〞，加薯仔、紅蘿蔔、小南瓜、番茄、合掌瓜、粟米（不是粟米粒）、洋蔥青椒……煲雞（斬件的），煮成一大煲（都幾傑的，不過就好甜），但佢地會說那是湯（soup）！
如果將麵包果先煎一煎,再炆,這樣就會沒有這麼快溶,如果用來做咖哩麵包果炆雞,一定好好味.
ReplyDelete[版主回覆07/30/2008 03:35:00]我都有諗過先炸再炆，不過都係試左佢地本地人用的煮法先。效果都唔錯，只要唔好煮太耐，同埋煮好後唔好攪唔多，唔會溶爛得咁快。好好味！
嘩~ 好好味呀~
ReplyDelete[版主回覆07/30/2008 03:35:00]thank you!! 真係幾好味o架！
真係似大樹菠蘿!未熟的大樹菠蘿都可以煮餸的,特別係煮咖哩,好好味!
ReplyDelete[版主回覆07/30/2008 03:38:00]係咩？我淨係試過用大樹菠蘿的核來炆雞同排骨，未試過用樹菠蘿的肉煮餸喎，下之要試下喇！
睇見好似好好味..
ReplyDelete[版主回覆07/30/2008 03:39:00]係呀，麵包果煮熟後，好軟棉棉好滑，味道不錯的！
賣相很有原始風味，麵包果究竟是什麼味道呢？真想嘗嘗。
ReplyDelete[版主回覆07/30/2008 03:44:00]麵包果本身無乜味道，但索左雞汁同其他調味，軟棉棉又好滑，幾好味的！有機會你都要試下！真的！
真的很想吃
ReplyDelete[版主回覆07/30/2008 03:27:00]老朋友，將來有機會見到就一定要試下呀！
比我在街見到, 真的分不出是大樹菠蘿, 還是真麵包樹果或假麵包樹果.
ReplyDelete[版主回覆07/30/2008 03:26:00]大樹菠蘿同麵包樹較易分，因為樹葉是不同的，而果就麵包樹的刺較扁平，大樹菠蘿較尖。真假麵包樹的樹就較難分，因為樹形和葉都差不多！要等到長成果後才知那是真那是假！
如果要大樹菠蘿做餸,就一定要未熟之前的果實(核都未成硬之前),就好似你煮呢個麵包樹果實一樣,剝左個皮,只要里面的肉肉,煮辣咖哩,味道真係一流!
ReplyDelete[版主回覆07/30/2008 11:49:00]真係，睇blog又學識多一樣野，好blog友難求，一定要mark實先！
好正我最愛吃芋頭上次有Blog友用大樹菠蘿核做食物
ReplyDelete[版主回覆08/06/2008 03:36:00]麵包果用來炆，唔會好似大樹菠蘿核咁粉，而且比芋頭更滑，我個人覺得比芋頭更好食d。
妳煮呢個餸睇落好好味呀 唔知妳有無睇過張小嫻o既小說~"麵包樹上的女人"呢?
ReplyDelete[版主回覆08/16/2008 12:00:00]又真係幾好味架 ！張小閒的小說~"麵包樹上的女人"，聽過好出名，但仲未睇過。
第一次見麵包果
ReplyDelete[版主回覆08/15/2011 10:51:00]thank you!!