麵包樹果實可以食喇！以前已吃過一次，（http://hk.myblog.yahoo.com/jw!8OsG4_WfGRlvsljbaVvMk4DfMQ--/article?mid=598），但那次不是自己煮，這次就由我親手煮理！
早排告訴大家的麵包樹，（http://hk.myblog.yahoo.com/jw!8OsG4_WfGRlvsljbaVvMk4DfMQ--/article?mid=1010），果實仍未長至可以吃的大小，而且還很青綠。
前日（7月22日），沙朗在水果檔買了些蔬果回來，其中有牛油果、番石榴及麵包樹果實。
這個麵包果顏色青黃，可以吃了，捧在手上仍很生硬，但沙朗說可以煮來吃了，不用等牠變軟，而外皮有小小突起的刺，看起來又有點像大樹菠蘿。
切去小小外皮的尖刺，有些白色帶黏性像牛奶的汁液流出來。
液體乾了後，變成白色的粉狀物。
切開後，沒有果核，果內的汁液遇到空氣很快就氧化變成啡色。
首先把麵包果切開，這般大的可以分兩次吃，沙朗教我，一半用來切片炸，另一半可以用來炆雞。
我再切開一半讓大家看清楚，果肉是白色，是完全沒有果核的。
跟著切去外皮，的確有點像白雪雪的麵包，不過又似剝去了外皮沙田柚！
一定要快手快腳，否則又要變啡色了。
去皮後再切去中心，一個個窿好像蜜蜂巢呀！
跟住放入油中炸，我估佢會好索油，沙朗教我放在平底鑊半煎炸好了。
果然沒估錯，是非常索油的，一路煎都要倒油入去！
炸至轉金黃色便熟了，我覺得似菠蘿片多些。
趁熱灑上幼塩，放涼一會便可吃。雖然落了幾多油去煎炸，但又不會有好油膩的感覺喎！
炸好切開看，內裡仍然白雪雪，味道……似在吃炸薯仔，又似是吃咸的炸番薯，只有很少很少的甜味，好粉，澱粉質一定很高！質感好特別，但不像吃麵包，不錯，幾好味的。
至於另一半，用保鮮紙包好，放雪櫃，明天炆雞！
而早前有blog友問我這裡的麵包樹是否就是他問的那一種麵包樹。我上網查過，他說的應該是非洲的一種叫猴麵包樹 Baobab Tree 的。
大家可在這裡看看兩種麵包樹的分別。
http://www.takungpao.com.hk/news/07/08/01/YM-774076.htm
http://blog.yam.com/exploreweb/article/12774375
第一次看到處理麵包果 我家裡也種一顆 好多年了就沒見他長過果子 可能公的吧 就是不來子
ReplyDelete吃起來味到如何 ?
[版主回覆07/28/2008 10:41:00]原來有分公同乸？ ，真係唔講唔知喎！
味道就像吃無味的炸番薯或炸芋頭，加了塩才好味些。
ReplyDelete除了麵包果，牛油果和香蕉，其他兩樣係乜野呀？！
[版主回覆07/26/2008 10:26:00]有小小黃的是個番石榴，另外四個是自家後院摘的本地Golden Palm http://hk.myblog.yahoo.com/jw!8OsG4_WfGRlvsljbaVvMk4DfMQ--/article?mid=238 ，剛摘了些，放在一起陪襯吧！
綠蜥蜴最喜歡吃這樹的葉子，不吃果子！
真的似大樹菠蘿, 不可以像生果的生吃嗎 ?
ReplyDelete[版主回覆07/28/2008 10:43:00]我睇唔可以當生果吃了，因為切開有點黏性汁液，又好快變成啡色。我覺得似芋頭囉，不可以生吃的！
哈..好特別既食物!
ReplyDelete[版主回覆07/28/2008 10:44:00]小吃多滋味！一個breadfruit ，四個人吃，吃了三餐！
電視的旅遊節目曾介紹過這種麵包樹果實, 可以將它加椰汁煮成像糯米糍一樣的甜品! 有機會的話, 我也希望試試這種水果!
ReplyDelete[版主回覆07/28/2008 10:47:00]係呀，人一世物一世，有機會就要試下，好唔好食另一回事嘛！breadfruit 在加勒比海國家係好普遍的食物，有機會我都想試下其他國家的食法！我都想試下〝 加椰汁煮成像糯米糍一樣的甜品 〞呀!
真神奇，終於見到面包果啦。 還記得我追住您問面包樹？味道好吃嗎？是酸的還是甜的。
ReplyDelete[版主回覆07/28/2008 10:49:00]breadfruit本身是沒有味道的，所以炸好要加幼塩才吃。就像吃炸芋頭吧！
麵包樹果實至今未見到呢~
ReplyDelete以前在新界採到樹上成熟的大樹菠蘿, 香甜到不得了, 可惜水果店內賣的, 完全買不到那香甜....
[版主回覆07/28/2008 10:51:00]係呀，街上買的大樹菠蘿都不香又不甜的，淨得個樣好睇！我老爸在新界種那棵，真是長的果又香又甜呀！
咁咪好似食炸蕃薯。
ReplyDelete[版主回覆07/28/2008 10:54:00]無錯，不過還是似炸芋頭多些！因為炸番薯都有甜味，但炸breadfruit如果唔加些幼塩才吃就無味的！
在旺角鼓油街與洗衣街交界的公園(近小學那邊)有一顆一模一樣的樹，有一次夏天發現它結出巨大的果實，的確很像大樹菠蘿，我以為是其中的一個品種 多謝結為Blog友
ReplyDelete[版主回覆07/28/2008 10:59:00]
會唔會係呢種果呀？個樣好似，但入面好多核的，這是我以前後院種的一棵，我叫牠做假麵包樹，因為這些果淨得核，無人會食，唔係真麵包樹，所以我鋸左佢！
姨媽問如果唔灑上幼塩, 喺咪冇味o架? 香唔香o架?
ReplyDelete[版主回覆07/28/2008 11:20:00]如果唔加塩就無味道，不咸不甜，好似食無味的炸芋頭！你唔問我又真係唔覺，原來唔單止無味道，而且仲係無香味添！
煎完後，好像波籮乾，
ReplyDelete差點以為是大樹波籮。
[版主回覆07/28/2008 11:22:00]係呀，剛炸起未食都仲好似菠蘿架。大樹菠蘿大隻好多而且是長形的。
麵包樹真係第一次見咋, 得閒會多d逛逛
ReplyDelete[版主回覆07/28/2008 11:24:00]thank you!!! 你個blog都有好多野睇，我都會多d去逛逛！
早前我大仔話食得我都唔信佢 tim ! 原來真係食得架 ! thank you 妳呀 ！
ReplyDeleteａｄｄ 左啦 ， 請妳唔好轉傳出去 ， ｔｈｘ ！
[版主回覆07/28/2008 11:29:00]聽講香港種的麵包樹是另一種樹，結出來的果入面都是大大粒的核，真係唔知食唔食得喎，問清楚d好d喎！下面這個就是好似麵包樹的果，我以前後院種的，後來比我叫人鋸左！
thank you!!! 多謝你信任我！
有麵包果，食可以唔使食麵包啦。
ReplyDelete呢 d 樹好以係夏威夷見過。
[版主回覆07/28/2008 11:32:00]兩樣野都唔同既，我依然好想食麵包呀！仲好鍾意睇你新鮮焗好的麵包！雖然次次都睇到流晒口水 ，有得睇無得食，但我都仲係要睇！
好特別 , 勁有趣 , 多謝分享 !!
ReplyDelete唔知 D 麵包果貴唔貴 , 賣幾多錢個呀 !!
[版主回覆07/28/2008 11:37:00]維起港幣三十多元啦，唔知貴唔貴呀，不過我地四個人食這一個都可以食三餐喇！
有機會都想試下啊
ReplyDelete[版主回覆07/28/2008 11:35:00]對啊！有機會真係要試下！
是你自己種的 ?
ReplyDelete[版主回覆07/28/2008 11:41:00]我自己種果棵在這裡 http://hk.myblog.yahoo.com/jw!8OsG4_WfGRlvsljbaVvMk4DfMQ--/article?mid=598 ，不過被我搵人斬左！因為是假的！
我有打算再種過！不過唔知要種幾耐先有果實呢！
真係有D似大樹菠蘿!
ReplyDelete[版主回覆07/28/2008 11:42:00]遠睇都似的，行近d睇就完全不一樣了！
哇, 第一次見麵包樹果實啊~ 你不說我還以為是大樹菠羅~ 你是自己種還是買的呢? 如果買...可以在哪兒買到呢 @_@
ReplyDelete[版主回覆07/28/2008 11:45:00]香港我都未見過有得賣喎，真係唔識答你添！
這個是買的。
葉子一模一樣不會錯的
ReplyDelete[版主回覆07/28/2008 11:54:00]咁你就要睇番我這篇blog http://hk.myblog.yahoo.com/jw!8OsG4_WfGRlvsljbaVvMk4DfMQ--/article?mid=598 我以前都種有一棵我以為是麵包樹的樹，樹形樹葉一樣，長出來的果也圓園的，後來切開那些果，裡面全是大大粒的核，沒有甚麼果肉的。而真正的麵包樹果實裡面是完全無核的！你下次留意下佢的果，如果掉到地上也沒有人執取，又有好多核的就不是了！
Mei 早晨 , 香港又熱又曬 , 真係唔想出街 , 你那裡的熱跟這裡的熱有分別嗎 ? 好想試你的美食
ReplyDelete[版主回覆07/28/2008 11:59:00]睇news又話香港氣溫急跌仲落雹添，忽冷忽熱，小心保重呀！
如果留在家中，感覺就好似同香港一樣咁熱同焗，但出街有風就好清爽，尤其近海，所以熱得來也不會像透不到氣般辛苦。
大埔海濱公園都有一棵 麵包樹呀，每次走過都會想：她會否長出像麵包的果實呢？看完你的介紹，覺得不錯呢，有機會都想試試呀，因為我頗喜歡吃澱粉質的食物。
ReplyDelete如果轉作甜食，例如蘸上蜜糖／果醬，不知道味道如何呢？
[版主回覆08/01/2008 11:11:00]比你一言驚醒， ，下次我都要試下炸完後唔灑幼塩食，試下將佢當麵包，搽花生醬或果醬至得！thank you!!!
在馬來西亞我都見過. 係未等佢再熟啲, 好似普通生果咁食就得架啦.
ReplyDelete[版主回覆08/01/2008 11:00:00]下次要問下佢地就咁生食得唔得先！
我連見都無見過真架
ReplyDelete[版主回覆08/01/2008 11:00:00]而家見到喇！
從來未見過依種野, 樹同果實都好特別呀!
ReplyDelete[版主回覆08/01/2008 11:03:00]每個地方都有佢既特產，你得閒都要介紹下台灣特別或特有的花花草草比我地認識下至得呀！
原來要用炸的喔.....第一次看到介紹麵包果吃法...
ReplyDelete又學到一樣了...
SORRY喔....打個岔 !
菠蘿蜜能吃耶.....
而且 種子剝皮能和排骨一起煮湯....( 口感類似菱角.好吃 )
[版主回覆08/01/2008 11:07:00]呢幅圖片果個唔係大樹菠蘿o黎o架，係假麵包樹果實o黎。
我都煮過菠蘿蜜的核炆排骨，係呀，有d似菱角，幾好味！
睇妳嘅文章令我學識好多大自然嘅事物，真好! 想請問點解叫佢麵包果?同佢嘅味道或者口感有無關呢?
ReplyDelete[版主回覆07/29/2008 10:36:00]可能因為佢切開後果肉白色，而中間切去中心的梗後有d像蜂巢似麵包啩！食就唔多似食緊麵包喎。
請問妳那裡是否看到香港的電視台或是當地新聞有報導香港的新聞 ?
ReplyDelete[版主回覆07/29/2008 10:42:00]係呀，看到美國的無線電視台，佢地叫〝無線電視美東台〞及〝無線電視美西台〞，每日都有當日的香港新聞，只是慢了半日。即是我早上起來看9點新聞，就播緊香港黃昏的新聞。到我夜晚再看的新聞就播香港當晚的最後新聞。
ReplyDelete未吃過呢，也是第一次看到啊。是不是一定要煮才可食，像普通水果，生食可以嗎？如果要是看到妳需要很多的油，那恐怕不太健康了！
[版主回覆07/30/2008 11:53:00]生時那些汁液有點黏，我不敢試，而這裡的人不會等個果熟到淋才吃的。這裡多用椰子油或橄欖油的。
麵包果 食得都是第一次知道， 荃灣城門谷公園 有幾棵，而且每年都有很多果實的，其他網友可以來參觀啦！
ReplyDelete[版主回覆07/31/2008 03:50:00]咁你就要留意下佢係有核定無核喇，問清楚d專家先好食用呀！
上星日同朋友一起去城門谷公園睇「麵包樹」兼看妳的Blog，覺得是同妳講的一樣，不過，遲些等果實大些摘來看看再說。
ReplyDelete[版主回覆08/06/2008 05:35:00]好呀，下次再去看時記得通知我，我也來看！